Një refugjat kazak në Serbi, i cili ka pritur nëntë vjet që t’i jepet leje e përhershme qëndrimi, më në fund ka marrë një lloj të ri dokumenti: një “pasaportë për refugjatë”. Baha Sarsenov, i cili i ka ikur përndjekjes politike në Kazakistan më 2015, do të mund të udhëtojë përsëri. Por, dokumenti i tij i ri i udhëtimit nuk përbën pasaportë serbe. Ai ende është në pritje të marrjes së shtetësisë, sikurse edhe dy të tjerë, të cilëve u është lëshuar pasaporta speciale. (Përgatiti: Trim Haliti)